Nüvədi kəndindən 5 kilometr şimal-şərqdə, Şikahoğ Dövlət Təbiət Qoruğunun daxilində yerləşən Arnadzor kəndinin xarabalığı və müsəlman qəbirstanlığı Ermənistanda dövlət mühafizəsinə götürülmüş (inv. 8.66.1 və 8.66.1.1) tarix-mədəniyyət abidəsidir. 1950-ci illərdə bu ərazi Nüvədi sakinləri tərəfindən kolxozun biçənəkləri kimi istifadə edilib. 2018-ci ildə çəkilmiş şəkildən görünür ki, kəndin xarabalığı dağın ətəyində asanlıqla gözlə seçilir.

Qəbirstanlıqda 3 müxtəlif qəbrin şəkli sənədləşdirilib : 1) Səvgü Səttar qızının (1895-1949) 2) Bu tarixi qəbirstanlıqda 1937-ci il represiya qurbanı olmuş iki nəfərə bir qəbr daşı qoyulmuşdur : Yusif Rüstəm oğlu (1906-1937) və Məşhəd.... ..ə.ə oğlu (1881-1937) 3) üzərində ərəb rəqəmləri ilə h.1289 (m.1872) yazılmış və ortasında xaçvari iri ornament olan qəbr daşı