Mehri rayonunun Lehvaz kəndinin yaxınlığında, Mehri çayının sol sahilində XVIII-XIX əsrlərə aid tarixi müsəlman qəbirstanlığı yerləşir. Onun mərkəzi hissəsində isə XVIII əsrə aid səkkizbucaqlı türbə vardır. 2006-cı ildən Ermənistan Respublikası tərəfindən dövlət mühafizəsinə götürülmüş memarlıq abidəsidir. 1988-ci ilə qədər Azərbaycanlı əhali bu türbəni ziyarət edərək orada dini rituallar yerinə yetirirdilər. 2005-ci ildən bu qəbirstanlıq və türbənin olduğu ərazi dağ-mədən sənaye zonasında qızıl əldə edilən zavodun ərazisinə daxil edilib. Türbə yarıdağılmış vəziyyətdədir.