2020-ci ilin noyabrında erməni jurnalistlərin Böyük Ayrım kəndindən apardığı reportajdan görünür ki, qəbirstanlığın bir hissəsi bu günəə qədər kifayət qədər yaxşı vəziyyətdə gəlib çatmışdır. Ətrafı hasarlıdır və kəndin içərisində yerləşir. Qəbirstanlıqdakı qəbirlər üzərində qoyun və qoyun qırxımı üçün qayçı, inək və at təsvirləri, tikiş maşını, avtomobil və s. fiqurlar olan qəbirlərə rast gəlinir. Qəbirlərin bir hissəsi mərmərdən olduğuna görə vandalizmə məruz qalmışdır. Qəbirlər üzərində müxtəlif qəmli şeirlərə rast gəlinir.