Üçkilsə rayonunda yerləşən bu kənd Qaraqoyunlu Cahanşah tərəfindən 1441-ci ildə Erməni patriarxlığının Eçmiədzin monastrına köçürülməsindən sonra onun xərclərini qarşılamaq üçün vəqf olunmuşdur. Səkkizguşəli türbənin 2011-ci ildə çəkilmiş şəklinə əsasən demək olur ki, türbə əsasən kobud but daşından tikilsə də, onun üzəri çox səliqəli şəkildə cilalanmış üzlük daşları ilə hörülmüşdür. Türbənin gümbəz hissəsinin üzəri qismən dağılmışdır və üzərini ot və kollar basmışdır.

      Təəssüf ki, bu müsəlam sufi memarlıq abidəsinin kitabəsini aşkar etmək mümkün olmamışdır. Arxeoloji qazıntılar aparıldığı təqdirdə bu türbənin kitabəsini aşkar etmək və onun tikilmə tarixinə güzgü tutmaq mümkündür.